Virus hepatitləri
Hepatit B
Qısa cavab
Hepatit B qaraciyəri zədələyən virus infeksiyasıdır. Qan, cinsi əlaqə və doğuş zamanı anadan uşağa keçir. Xroniki forması uzun illər əlamətsiz gedib sirroz və qaraciyər xərçənginə səbəb ola bilər. Xroniki hepatit B-nin müalicəsi virusu nəzarətdə saxlayır və çox vaxt uzunmüddətli olur. Peyvənd isə xəstəliyin qarşısını etibarlı şəkildə alır.
Əlamətlər
Çox insanda yoluxma zamanı əlamət olmur. Kəskin hepatitdə dərinin və gözlərin saralması, tünd sidik, yorğunluq, ürəkbulanma, qarın ağrısı ola bilər. Xroniki infeksiya uzun müddət heç bir şikayət vermədən davam edə bilər.
Diaqnostika
Qanda hepatit B markerləri təyin olunur, PZR ilə virusun DNT-si və miqdarı ölçülür. Bundan əlavə qaraciyər funksional testləri yoxlanılır və qaraciyərin USM-i aparılır.
Hepatit B markerləri, PZR ilə HBV DNT, qaraciyər funksional paneli, USM, həkim infeksionist-parazitoloq qəbulu, Hepatit B peyvəndi.
Müalicə
Müalicəyə ehtiyacı və onun planını həkim analizlərin nəticəsinə görə müəyyən edir. Antiviral dərmanlar virusun çoxalmasını uzun müddət nəzarətdə saxlayır və qaraciyəri zədələnmədən qoruyur. ÜST-ə görə müalicəyə başlayan xəstələrin çoxu onu ömürlük davam etdirməlidir. Hepatit D ilə birgə infeksiya ayrıca müalicə yanaşması tələb edir.
Peyvənd
Peyvənd yenidoğulmuşlara və böyüklərə vurulur. Böyüklərdə adətən 0, 1 və 6-cı aylarda üç doza tətbiq olunur. ÜST-ə görə peyvənd təxminən 100%-ə yaxın qoruma verir. Peyvənd və manipulyasiyalar
Sual-cavab
Hepatit B tam müalicə olunurmu?
Xroniki hepatit B-ni dərmanlarla nəzarətdə saxlamaq mümkündür: virusun çoxalması dayandırılır, qaraciyərin zədələnməsi yavaşıyır. Amma virus orqanizmdən tam təmizlənmir və müalicə çox vaxt uzunmüddətli olur. Ona görə də hepatit B-də ən effektiv yol peyvəndlə qorunmaqdır.