Xroniki yorğunluq: nə vaxt səbəbini araşdırmaq lazımdır

İstirahətə baxmayaraq daim yorğun olmaq və sosial həyatdan uzaqlaşmaq 6 aydan çox davam edirsə, xroniki yorğunluq sindromundan danışmaq olar.

Tez-tez rast gəlinən əlamətlər:

• baş ağrısı;
• zehni yorğunluq, işə və ya dərsə fokuslana bilməmək, diqqətsizlik;
• yaddaşın zəifləməsi;
• boğaz ağrısı;
• oynaq və əzələ ağrıları;
• limfa düyünlərinin həssaslığı;
• yuxu problemləri, yuxudan dincəlmiş oyanmamaq;
• ayaq üstə və ya dik oturanda əlamətlərin artması;
• fiziki və ya zehni gərginlikdən sonra vəziyyətin pisləşməsi.

Səbəbin araşdırılması. Uzun sürən yorğunluğa bir çox xəstəlik səbəb ola bilər: qansızlıq, qalxanvari vəzi xəstəlikləri, keçirilmiş və ya davam edən infeksion və parazitar xəstəliklər və s. Xroniki yorğunluq sindromu diaqnozu bu səbəblər istisna edildikdən sonra qoyulur. Saç tökülməsi və dırnaqların qırılması kimi şikayətlər də olarsa, onların səbəbi (məsələn, dəmir çatışmazlığı) ayrıca araşdırılmalıdır.